নিষিদ্ধ সপোনৰ ঠিকনা বিচাৰি
তাৰ পাছত আদ্যন্ত সীমাহীন মৰুৰ উষ্ণ বুকুত
নিজৰ ছায়াক সাৰথি কৰি
ফুৰিছোঁ মোৰ সেই নিষিদ্ধ সপোনৰ ঠিকনা বিচাৰি ।
দুই মেৰুৰ প্ৰতিটো হিমকণাই
পাইছে মোৰ খালী ভৰিৰ স্পৰ্শানুভূতি ।
সমুদ্ৰৰ প্ৰতিটো ঢৌতেই খুন্দা খাইছোঁ মই ।
ফেঁহুজালিৰ লগত এতিয়া মোৰ গভীৰ প্ৰেম ।
মাজনিশাই মোক ভালদৰেই জানে ।
দুচকুৰ কোণত পুঞ্জীভূত ক্লান্তিবোৰ
ভাগৰি পৰিছে ।
তথাপি সপোনৰ ক্ষুধাৰে ক্ষুধাৰ্ত মন
থমকি ৰৈ যোৱা নাই ।
মোৰ এই সংগ্ৰাম লেথেৰি নিছিগাকৈ
চলিয়েই থাকিব – নিষিদ্ধ ঠিকনাটি নোপোৱালৈকে ।
কোনদিনা পাম সেই ঠিকনা বিচাৰি –
কেৱল অদৃশ্যজনেই জানে !
লেখক
শ্বাহিনশ্বাহ ইকবাল
No comments:
Post a Comment